Bedoña

Bedoña
Euskal Herria
Bedoña auzoa
Kokapena
Herrialdea	Gipuzkoa
Udalerria	Arrasate
Geografia
Koordenatuak	43°02′45″N 2°28′54″W
Demografia
Biztanleria	80 (2021)

Bedoña auzoko Uribarri baserriaren sarrera 1955. urtean.

Bedoña Arrasateko (Gipuzkoa) hegoaldean dagoen auzoa da, baserri girokoa, 1966. urtera arte Aretxabaletako udalerrian barne zegoena. Izan ere, herri horren muga kokatuta dago Urkuluko uharkatik gertu alde batetik, eta bestetik, San Andres (Arrasate) eta Zubillaga (Oñati) auzoen ingurunean. Auzoa, halaber, Arantzazurako bide zaharrean dago, artzainek eta erromesek antzinatik ibilia.

Santa Eulalia eliza dago bertan, antzinako gaztelu edo dorretxe baten gainean eraikia eta osagai erromanikoak dituena. Horrez gain, Andra Maria Zuriaren baseliza ere daukagu Bedoña auzoan.

Bedoñako jaiak abenduaren 10ean ospatzen dira, Santa Eulalia egunean, hain zuzen ere.

Demografia

Bedoñako biztanleria

Baserriak

Aranalde, Artazubiaga, Arteaga, Arteritxo, Bidasoro, Elexabe, Elorriaga, Erlamendi, Errastikoa, Etxabarri, Etxegarai, Garaikoa, Goikosolo, Iturralde, Iturriaga, Mendibitzu, Otamendi, Sakristaukoa, Sologaizto, Urialde, Uribarren, Urigoien, Urkamendi eta Zabale ditugu auzoko baserrien artean.

Loramendi

Juan Arana "Loramendi" (1907-1933) fraide eta olerkaria auzo honetan jaio zen, lehen aipatutako Mendibitzu baserrian, hain zuzen ere.

Ikus, gainera

• Debagoiena

Kanpo estekak

• (Gaztelaniaz) Informazioa udal webgunean
• (Gaztelaniaz) Santa Eulalia elizari buruzko artikuloa

• Datuak: Q11680183
• Multimedia: Bedoña / Q11680183

Bedoñan egindako karapaixoa.

Euskarazko Wikipedian bada atari bat, gai hau duena: Euskal Wikiatlasa