Arrolako Oppidumeko taula erretikulatua Burdin Aroan egindako pieza bat da, taula-formako hareharrizko plaka bat, marraztutako erretikulu edo sare batekin. Mendata, Arratzu eta Nabarniz udalerri bizkaitarretan dagoen Arrolako Oppidumaren indusketan aurkitutako pieza bat da, gaur egun Bilbon dagoena, Arkeologi Museoan.
Testuingurua
Marueleza edo Arrolako kastroa, Arrolako oppiduma bezala ere izendatua, Mendata, Arratzu eta Nabarnizeko udalerrien arteko muino garai batean aurkitzen da. II. Burdin Aroko kokaleku gotortu bat da, K.a. IV. mendearen eta K.o. I. mendearen artean populatua eta harresi barneko forma luzanga duen 8 hektareako gainazalarekin, harresitik kanpo beste horrenbeste dituelarik.
XIX. mendeko lehenengo herenetik, jadanik, aztarnategiko erreferentziak daude eta ordutik aurrera aldizkako ikerketak egin dira, beraz, Arrola Bizkaiko arkeologian emerituzko aztarnategi bezala hartzen da, hiru mendez esku-hartzeak egon direlarik. Mende horren hasieran, indusketa, egonkortze eta zaharberritze lanak ematen ari dira Burdin Aroko kastrorik monumentalenaren eta lurraldean hobeto ezagutuaren garrantzia azpimarratzeko.
Taula erretikulatua
Taula erretikulatua 2014ko indusketan berreskuratu zen, ezaugarri antzekoak dituzten beste bost zatirekin batera 510. bastioian, harresituriko esparrura sartzeko hegoaldeko sarbideko ateko korridore defentsa indartzen zuena. Pieza guztiak, defentsa honetako erortzeak eraturiko betegarri zonaldean aurkitu ziren, beraz, posibleena litzateke, estruktura honen gailurrean kokaturik egotea, hau da, birziklatuak izatea, ziurrenik sortu ziren xedearekin zerikusirik ez zuten helburua betez.
Kanpo estekak
