Araba espetxea, baita ere Zaballako espetxea, kokatuta dagoen eremuaren izena hori baita, Arabako kartzela nagusia da. Nolabait, aurreko Langraiz Okako espetxea ordezkatu zuen.
Ezaugarriak
2008 eta 2011. urteen artean espetxe berri bat eraiki zuten Gasteizko mendietako San Migel mendiaren ondoan. Eraikina Langraizko kontzejuaren barnean dago orobat; zehazki, aipatu mendiko maldaren lurzoru urbanizaezinean zegoen 50 hektareako partzela batean. Lurzoru mota horretan Araban inoiz eraiki den eraikin handiena da.[1] Guztira 80.000 metro karratu dauzka, hau da, 18 futbol zelaik adinako azalera. 2011n inauguratu zuten.
Ez dauka kontrol dorrerik, baina baditu 200 kamera baino gehiago eta 6 metroko altuerako harresi eta hesiak. Zentzu horretan segurtasun handiko eremua da. Euskal Herriko handiena da: 720 ziega ditu, 13 m²koak. Beste instalazio artean, igerilekua du baina inoiz ez da urez bete.
Erreferentziak
Ikus, gainera
Kanpo estekak
