Andreea Rãducan (Bârlad, Errumania, 1983ko irailaren 30a) errumaniar gimnasta artistikoa da, 2000. urtean taldekako lehiaketan txapeldun olinpikoa eta 1999 eta 2001. urteen artean munduko txapelduna bost aldiz.[1][2]
Kirolari ibilbidea
1999
Tianjingo 1999ko Munduko Txapelketan, urrezko domina lortu zuen lurzoru-proban —Simona Amanar herrikidearen eta Svetlana Khorkina errusiarraren aurretik—, zilarra oreka-barran —Ling Jie txinatarraren atzetik eta Ukrainako Olga Raschupkinaren aurretik, eta urrea talde-lehiaketan, Errusiaren eta Ukrainaren aurretik.
2000
2000ko Sidneyko Olinpiar Jokoetan urrea eskuratu zuen taldekako finalean eta All Around finalean, Errusia eta Estatu Batuen aurretik, eta zilarra zaldi-jauzian, Elena Zamolodchikova errusiarraren ondoren eta Jekaterina Lobaznyuk errusiarraren aurretik.
2001
2001. urtea izan zen kirol-arrakastei zegokienez bere urte handia; izan ere, Munduko Txapelketan, Ganten (Belgika), hiru urrezko domina eskuratu zituen: taldekakoan, oreka-habean eta lurrako ariketan; eta brontzezko bi domina, zaldi-jauzian —Svetlana Khorkina errusiarraren eta Oksana Chusovitina uzbekaren atzetik, eta, bakarkako orokorrean, Svetlana Khorkina (urrea) eta Natalia Ziganshinaren atzetik.
Filmografia
- 2020: The Golden Girl, dokumentala, HBO Europe.
Bibliografia
Erreferentziak
Kanpo estekak
