Abducens nukleo

Abducens nukleo
Xehetasunak
Identifikadoreak
Latinez	nucleus nervi abducentis
MeSH	A08.186.211.132.810.428.600.650.249
TA	A14.1.05.411
FMA	54504
Terminologia anatomikoa

Abducens nukleoa, seigarren bikote kranealaren nukleoa da. Kanpoko nukleo okulomotore izenez ere ezagutzen da, eta nukleo somatiko eragile orokorra da.

Abducens nukleoa

Kokapena

Zubian^[1] kokatuta egongo da, behe dortsal aldean medialki. Nukleo okulomotore eta nukleo troklearra baino beherago kokatuta egongo da eta, begiaren mugimenduaz arduratzen diren nukleo eragile guztien antzera, erdiko marran.

Aurpegi nerbioaren kolikulua

Atze aldetik aurpegi-nerbioaren zuntzen bitartez inguraturik egongo da. Horrela, goragune bat sortzen da laugarren bentrikuluaren zoruan, aurpegi nerbioaren kolikulua edo fazialaren belauna^[2].

Zuntzen ibilbidea

Nukleo honek informazio kortikonuklear kontralaterala hartuko du. Abducens nukleoaren zuntzak arraildura edo ildo bulboprotuberantzialetik edo zulo erraboil ildoaren erdi aldeko eremutik irtengo dira. Ondoren, goiko arraildura orbitariotik aterako dira.

Funtzioa

Goiko arraildura orbitariotik irtetean, begiaren alboko muskulu zuzena inerbatuko du.

Lesioak

Abducens-ean dagoen lesio baten ondorioz, estrabismoa (begiaren barruranzko biraketa) eta ikusmen bikoitza sortuko dira. Gehien kaltetzen dena VI da, bere ibilbidea luzeena delako. Kolpeen ondoriz kaltetzen da, esaterako.

Erreferentziak

1. Anne M. Gilroy / Brian R. MacPherson / Lawrence M. Ross / Michael Schünke / Erik Schulte / Udo Schumacher / Markus Voll / Karl Wesker, Prometheus. Atlas de Anatomía, Panamericana (2013), ISNB: 9788498357080
2. F. H. NETTER, NETTER, MASSON (2011), ISBN: 9788445820650

Kanpo estekak

• Datuak: Q2004202