Zoltán Kaszab [kasab], laŭ hungarlingve kutima nomordo Kaszab Zoltán estis hungara entomologo, biologo, membro ordinara de Hungara Scienca Akademio (1979).
Zoltán Kaszab [1] naskiĝis la 23-an de septembro 1915 en Farmos. Li mortis la 4-an de aprilo 1986 en Budapeŝto.
Biografio
Zoltán Kaszab akiris diplomon en ELTE en 1937, poste li eklaboris en Hungara Nacia Muzeo. En 1941 li studvojaĝis al Germana Regno. Hejmenveninta li ekinstruis en mezlernejo. En 1949 li ekhavis esploran postenon en muzeo en Budapeŝto, kie li estis ĉefdirektoro inter 1970-1985. Li okupiĝis ankaŭ pri Karpat-baseno kaj Oceanio. Resume li priskribis-trovis 3700 specojn. Inter 1963-1968 li plurfoje esplorvojaĝis al Mongolio, kie li kolektis precipe skarabojn. Li emeritiĝis en 1985. Li ricevis premiojn en 1961 kaj 1980.
Verkaro (elekto)
- Történelmi Magyarország tenebrionidái (1938)
- Monographie der Leiochrinen (1946)
- 100 éves küzdelem a krumplibogár ellen (1955)
- Levélbogárfélék (1962)
- Legyezőszárnyúak (1977)
Fontoj
