Złoty Stok (ĝis 1945 germaneReichenstein) estas urbo kaj eksa minejurbo en la nuna provinco Malsupra Silezio de Pollando. Fine de 2021 en la urbo vivis 2 556 loĝantoj sur areo de 7,73 kvadrataj kilometroj, kio rezultigas loĝdenson de 331 loĝantoj/km². Ĝi apartenas al samnoma komunumo en la distrikto Ząbkowice (Frankenstein), oriente de Kłodzko (Glatz); malantaŭ la ŝtatlimo ĝi najbaras kun ĉeĥa municipo Bílá Voda (Weißwasser). Ĝi situas en supermara alteco 348 metroj. De la ĉeĥa nomo Rychleby portas sian nomon Riĥleba montaro (pole Góry Złote, germane Reichensteiner Gebirge), kiu leviĝas sude de la urbo.
Tra Złoty Stok kondukas ŝoseo kuniganta Nison (Neisse) kaj Kłodzkon (Glatz); fervojo estis nuligita.
Historio kaj memorindaĵoj
La urbo, kies loĝantaro ĝis la jaro 1945 estis germanlingva, apartenis al la sileziaj Piastidoj, ekde la jaro 1392 ĝi apartenis al Krono Ĉeĥa, ekde la jaro 1742 al Prusio. Ekde la jaro 1945 ĝi estas parto de Pollando. En pasinteco oni ĉi tie minis oron; la pasintaj manieroj de la minado alproksimigas loka muzeo. Estas ĉi tie videbla ankaŭ katolika kaj evangelia preĝejoj.
