Vivien Leigh naskiĝis en Darjeeling, Barato. Ekde 1920 la familio ekloĝis en Anglio. Kiel 19-jarulino ŝi edziniĝis kaj jaron poste naskiĝis la filino Suzanne. En 1940 la geedzoj disiris, kaj ŝia dua edzeco kun la aktoro Laurence Olivier estis divorcita en la jaro 1960.
La aktora kariero de Vivien Leigh komenciĝis en la teatro, kie ŝi rapide famiĝis. Dum sia tuta vivo ŝi bone kombinis la teatran kaj la filman laboron, ekzemple aperante en filmroloj, kiujn ŝi antaŭe estis prezentinta en teatraĵoj. Ŝia plej fama rolo sendube estas tiu de Scarlett O’Hara en la usona filmo Gone with the wind. El 1.400 aspirantinoj (i.a. stelulinoj kiel Katharine Hepburn kaj Bette Davis) ŝi, kiu en Usono estis preskaŭ nekonata, fine ricevis la rolon, premiotan unu jaron poste per Oskaro.
