PROFILBARU.COM

Vieno havas 23 urbodistriktojn. Ĉiuj havas kaj nomon (ekz. Floridsdorf [flOridsdorf]) kaj numeron (ekz. "la deka distrikto", "la deka"). La numeroj troviĝas sur ĉiu stratŝildo antaŭ la stratnomo kaj formas la duan kaj la trian pozicion de la poŝtkodo (ekz. 1210). En la viena dialekto ekzistas la vorto Hieb [hib] por distrikto. La finaĵo -ing en la distriktaj aŭ distriktpartaj nomoj memorigas pri la bavaraj koloniistoj antaŭ 900.

Historio

La origina Vieno nur konsistis el la nuna distrikto Innere Stadt (interna urbo, [INNere ŝtat]), ĉirkauita de urbomuro. De la dekkvina jarcento ankaŭ la areo antaŭ la urbomuroj estis koloniigita. La komunumojn inter la urbomuroj kaj la Linienwall (linioremparo [LInienval]), sur kies teritorio konstruiĝis poste la Viena Zono (Gürtel) oni nomis Vorstädte (antaŭurboj, [FOrŝtete].

En 1850 tiuj antaŭurboj enkomunumiĝis. Ekster la linioremparo troviĝis la tiel nomataj Vororte (antaŭlokoj, [FOrorte]). Ĉar la linioremparo ankaŭ estis impostolimo la vivkostoj pli malaltis ol en la urbo. Pro tio la intertraktado pri enkomunumigo de la antaŭlokoj daŭris ĉirkaŭ 20 jarojn ĝis la jaro 1892. En 1904 la grandkomunumo Floridsdorf (maldekstre de la Danubo) enkomunumiĝis kiel la 21a distrikto de Vieno.

Mapo de la tiel nomata Granda Vieno (ĝis-1938-aj limoj malhelaj, post-1938-aj limoj helaj, hodiaŭaj limoj mezhelaj)

Post la Anschluss en 1938 97 komunumoj de Malsupra Aŭstrio estis enkomunumigitaj. Per tio Vieno fariĝis ĝis la liberigo de la nazia regado la plej granda germana urbo laŭ areo.

Ĝis 1954 26 distriktoj apartenis al Vieno:

14a distrikto: Penzing (la iama 14a distrikto, Rudolfsheim, estis unuigita kun Fünfhaus (15a))
22a distrikto: Groß-Enzersdorf
23a distrikto: Schwechat
24a distrikto: Mödling
25a distrikto: Liesing
26a distrikto: Klosterneuburg

En 1954 la sovetaj okupadaj estraroj konsentis al ekskomunumigo de randaj areoj; 46 komunumoj fine revenis al Malsupra Aŭstrio.

Distriktoj kaj distriktpartoj

Ĉar Vieno daŭre kreskis dum jarcentoj per enkomunumigo de antaŭlokoj, oni trovas la iamajn loknomojn en la distriktnomoj. La distriktoj 1 ĝis 9 kaj 20 estas rigardataj kiel "internaj distriktoj", la aliaj nomiĝas "eksteraj distriktoj".

distrikto	kvartaloj	en- komunumigo	areo en ha	loĝantoj 2001	loĝantoj en ĉiu km²	laborantoj 2001
1. Innere Stadt	—	—	0.288	017.056	05.922	100.7450
2. Leopoldstadt	Jägerzeile Leopoldstadt Zwischenbrücken	1850 (inkl. Brigittenau, ekde 1900 20a distrikto)	1.927	090.914	4.718	47.316
3. Landstraße	Landstraße Erdberg Weißgerber	1850	0.742	081.281	10.954	67.812
4. Wieden	Hungelbrunn Schaumburgergrund Wieden	1850 (ĝis 1861 inkl. Margareten kaj Suda Favoriten)	0.180	028.354	15.752	24.971
5. Margareten	Hundsturm Laurenzergrund Margareten Matzleinsdorf Nikolsdorf Reinprechtsdorf	1850 kiel parto de Wieden, 1861 distrikto (ĝis 1891 inkl. Suda Favoriten)	0.203	049.111	24.192	14.964
6. Mariahilf	Gumpendorf Laimgrube Magdalenengrund Mariahilf Windmühle	1850	0.148	027.867	18.829	21.906
7. Neubau	Altlerchenfeld Neubau Sankt Ulrich Schottenfeld Spittelberg	1850 Ankaŭ malgrandaj partoj de la eksaj antaŭurboj Mariahilf, Laimgrube kaj Alt-Lerchenfeld apartenas al Neubau.	0.161	028.292	17.573	25.743
8. Josefstadt	Alsergrund = Alservorstadt Altlerchenfeld Breitenfeld Josefstadt Strozzigrund	1850	0.108	022.057	20.423	14.135
9. Alsergrund	Alsergrund = Alservorstadt Althangrund Himmelpfortgrund Lichtental Michelbeuern Roßau Thurygrund	1850	0.299	037.108	12.411	54.948
10. Favoriten	Favoriten Inzersdorf-Stadt Oberlaa Rothneusiedl Unterlaa	1874 - 1938 (Rothneusiedl, Oberlaa, Unterlaa ĝis 1954 estis parto de la iama 23a distrikto Schwechat)	3.180	147.636	04.643	56.849
11. Simmering	Albern Kaiserebersdorf Simmering	1892 - 1938	2.323	076.899	03.310	30.798
12. Meidling	Altmannsdorf Gaudenzdorf Hetzendorf Obermeidling Untermeidling	1892	0.821	078.268	09.533	30.157
13. Hietzing	Hietzing Hacking Lainz Ober Sankt Veit Unter Sankt Veit Speising	1892, 1938 ("Lainzer Tiergarten", ĝis 1954 parto de la iama 25a distrikto, Liesing)	3.770	049.574	01.315	23.743
14. Penzing	Baumgarten Breitensee Hadersdorf-Weidlingau Hütteldorf Penzing	1892 parto de la 13a distrikto, 1938 distrikto, Hadersdorf-Weidlingau nove aliĝis	3.396	078.169	02.302	25.960
15. Rudolfsheim- Fünfhaus	Rudolfsheim Fünfhaus Sechshaus	1892 (ĝis 1938 2 distriktoj: 14 kaj 15)	0.392	064.895	16.555	28.219
16. Ottakring	Neulerchenfeld Ottakring	1892	0.867	086.129	09.934	25.757
17. Hernals	Hernals Dornbach Neuwaldegg	1892	1.135	047.610	04.195	14.477
18. Währing	Gersthof Pötzleinsdorf Währing Weinhaus	1892	0.628	044.992	07.164	13.972
19. Döbling	Grinzing Heiligenstadt Josefsdorf Kahlenbergerdorf Neustift am Walde Nußdorf Oberdöbling Salmannsdorf Sievering Unterdöbling	1892	2.490	066.487	02.669	26.665
20. Brigittenau	Brigittenau Zwischenbrücken	1850 kiel parto de la 2a distrikto, 1900 apartigita	0.568	076.268	13.427	21.729
21. Floridsdorf	Donaufeld Floridsdorf Großjedlersdorf Jedlesee Leopoldau Neujedlersdorf Stammersdorf Strebersdorf	1904 - 1938	4.446	128.228	02.884	48.062
22. Donaustadt	Aspern (Vieno) Breitenlee Eßling Hirschstetten Kagran Kaisermühlen Lobau Stadlau Süßenbrunn	1904 - 1938	10.234	136.444	01.333	44.420
23. Liesing	Atzgersdorf Erlaa Inzersdorf Kalksburg Liesing Mauer Rodaun Siebenhirten	1938 25a distrikto	3.200	084.718	02.647	55.759
Tuto			41.490	1.550.123	03.736	821.458

Politiko

Kiel reprezentanto de la enloĝantaro servas balotita "Bezirksvorsteher" (distriktreprezentantestro, [beCIrksforŝteer]), sed la kompetentoj de tiu ĉi institucio estas tre limigitaj. Ankaŭ EU-anoj konstante rezidantaj en Vieno estas balotrajtaj.