Universitato de Mazandarano estas ŝtata universitato troviĝanta en la provinco Mazandarano de Irano, kun ĉefsidejo en la urbo Babolsaro.
La Universitato de Mazandarano (UMZ), estas nuntempe la plej granda ŝtata centro pri supera edukado en la provinco, kiu antaŭe konsistis el nombro de superaj edukadaj centroj. En 1979 la centroj kunfandiĝis en unu centron, nun oficiale konata kiel Universitato de Mazandarano.
UMZ havas ĉirkaŭ 12 000 studentojn kaj pli ol 350 fakultatajn membrojn, kiuj instruas kaj esploras ĉe diversaj fakultatoj de la universitato.
Habib Nafisi estis la fondinto de la universitato.
La usona Universitato Harvard kontribuis akademie, administre kaj al la originala dezajno de la antaŭaĵo de la Universitato de Mazandaran, kiu en la 1970-aj jaroj estis konata kiel "Universitato Reza Ŝaho Kabir"[1].
Ekstera ligilo
Referencoj
- ↑ Progress report to the Board of Governors, Reza Shah Kabir University. Harvard University Site Planning Task Force - City planning - 1976
