La Universitato de Scienco kaj Teknologio – Houari Boumediene (france Université des sciences et de la technologie Houari-Boumediene, akronime USTHB, arabe جامعة العلوم والتكنولوجيا هواري بومدين) estas universitato troviĝanta en la urbo Bab-Ezzouar 15 kilometrojn de Alĝero, Alĝerio. La universitato estis desegnita de brazila arkitekto Oscar Niemeyer kaj estis inaŭgurita en 1974.
Kursoj ofertitaj estas Komputado, Pura kaj Aplika Matematiko, Fiziko, Kemio, Biologio, Geologio, Konstruinĝenierado, Elektroniko, Informa teknologio, Proceza Inĝenierado kaj Mekanika Inĝenierado.
USTHB estis la plej granda universitato en Alĝerio ĝis 2013; ĝi havas pli ol 20,000 studentojn. La registara kvinjara plano celanta altigi la nombron de universitataj studentoj en Alĝerio de 1,2 milionoj en 2010 al 2 milionoj da studentoj en 2014 kaŭzis la konstruadon de novaj universitatoj kaj fakultatoj en preskaŭ ĉiu alĝeria urbo; iuj universitatoj nun estas pli grandaj ol la USTHB en la nombro da aliĝintaj studentoj.
USTHB kunlaboras kun okcidentaj universitatoj. Interkonsentoj ekzistas inter la fakultatoj kaj ilia ekvivalento en Francio, Kebekio Kanado kaj aliaj landoj por la celo de trejnado kaj esplorado. Kelkaj arabaj kaj afrikaj studentoj ricevas stipendiojn por studi en la USTHB.
Instrulingvo en la universitato estas la franca, krom la geografia instruplano kiu estas disponigita en araba.
En 2010, laŭ University Ranking by Academic Performance (URAP) [1], ĝi estis la plej bona universitato en Alĝerio.
Projekto pri universitata konstruado
Dizajnite fare de brazila arkitekto Oscar Niemeyer, la konstruaĵo estis malfermita en 1974. Pro lia simpatio por komunismo kiel politika mondorigardo, Oscar Niemeyer iris eksterlanden kiel rezulto de la politikaj premoj kiujn li alfrontis dum la militdiktaturo en Brazilo kaj komencis vivi en Parizo en 1965. Huari Boumedien Universitato de Scienco kaj Teknologio estas unu el la plej gravaj dezajnoj de tiu periodo. Laŭ la propono de Huari Boumedyen, la alĝeria prezidento de la periodo, li iris al ĉi tiu lando kun sia teamo kaj ili certigis la realigon de ĉi tiu projekto. Aktive partoprenis ankaŭ João Filgueiras kaj Darcy Ribeiro.
Referencoj
Eksteraj ligiloj
