Bir Zeit Universitato (arabe جامعة بيرزيت) estas Palestina universitato lokita en la vilaĝo Bir Zeit, norde de Ramalaho. La universitato estis komence establita en 1924 kiel lernejo de knabinoj de la Nasser familio kaj ricevis universitato-statuson en 1976. Bir Zeit Universitato kaj Bethleĥem Universitato estas elstaraj en la kampo de altnivela instruado en la Palestina Aŭtoritato, kaj ekde sia komenco ili ludis elstaran rolon en formulado de palestina politiko.
Multaj el la diplomiĝintoj de la universitato ludis decidan rolon en la politika gvidado en la Okcidenta Jordanlando. Famaj universitataj diplomiĝintoj estas Marvan Barguti, palestina aktivulo aŭ teroristo (depende de la vidpunkto), kiu funkciis kiel prezidanto de la studenta sindikato de la universitato, kaj Yahya Ayash ("la inĝeniero"), aktivulo en Hamas.
En 1977, protesto estis organizita fare de studentoj en la institucio kiuj postulis ke la ĉeflingvo de studo en la institucio estu la araba kaj ne la angla kiel ĝi estis ĝis tiam.
La universitato konservas kontaktojn kun multaj universitatoj tra la mondo kaj ricevas financan helpon de ili.
Panoramo de la Kampuso (1997)
Eksteraj ligiloj
