Darienio (en hispana Región del Darién aŭ Tapón del Darién) estas granda areo de marĉoj kaj ĝangaloj kiu separas la teritoriojn de la provinco de PanamoDarieno en Centrameriko el Kolombio en Sudameriko. Ĝi estas ĉirkaŭ 160 km longa kaj ĉirkaŭ 50 km larĝa. Ŝosekonstruo tra tiu areo estas multekosta, kaj la media danĝero grava. Politika akcepto favora al la ŝosekonstruo ne ankoraŭ aperis. Sekve ne estas ŝosekonekto tra Darienio liganta Nordan kaj Centran Amerikon kun Sudameriko kaj ĝi estas la mankanta ligo de la Tut-Amerika Ŝoseo. Studo fare de Bio-Pacifico sugestis kiel alternativo al konstruo de ŝoseo tra Darienio por kompleti la konekton de la Tut-Amerika Ŝoseo, ke la parto en Panamo de la Ŝoseo estu etendita al la marbordo de Karibo kaj finu ĉe la Golfo Urabao, kaj poste estu konektita per pramo al jam ekzistantaj ŝoseoj de Kolombio.
