La troposfero (el la greka: τροπή, tropé (turniĝo, redirektiĝo) kaj σφαίρα, sfaira (sfero, globo)) estas la parto de la teraatmosfero situanta inter la surfaco de la terglobo kaj alteco de ĉirkaŭ 8 ĝis 15 kilometroj, laŭ latitudo kaj sezono. Ĝi estas pli dika ĉe la ekvatoro ol ĉe la polusoj. La limo inter la troposfero kaj la stratosfero nomiĝas tropopaŭzo.
Tiu atmosfera tavolo enhavas 90% de la tuta maso de la atmosfero. Ĝi estas grava, ĉar en ĝi troviĝas la aero, kiun oni spiras.
