Mapo de antikva Balkano, el la Classical Atlas to Illustrate Ancient Geography ("Antikva Maparo por Ilustri Antikvan Geografion") fare de Alexander G. Findlay en 1849. Trakio havas verdan limon en la bildo kaj troviĝas malsupre-dekstre.
La indiĝena popolo de Trakio estis hindeŭropidoj nomataj Trakoj. La Trakoj, disdividitaj en diversaj triboj, ne sukcesis formi ian daŭran politikan organizaĵon, ĝis la Odrusia ŝtato fondiĝis en la 4-a jarcento a.K.
La Trakoj frutempe falis sub la kultura influado de la Grekoj, sed sukcesis teni siajn kulturon kaj lingvon dum pluraj jarcentoj. La Trakoj ankaŭ influis Grekan kulturon -- en Greka mitologio aperas kelkaj Trakoj. Tamen, ĉar la Trakoj ne parolis la grekan, la Grekoj rigardis ilin kiel sovaĝojn. La Grekoj komencis fondi koloniojn en Trakio en la 6-a jarcento a.K.
En 279 a.K., Keltoj invadis Makedonion, Grekion kaj Trakion. Ili baldaŭ forpeliĝis el Grekio kaj Makedonio, sed restis en Trakio ĝis la fino de la 3-a jarcento a.K.. El Trakio la Keltoj migris en Anatolion kaj fondis la reĝlandon de Galatio.
la romiaj provincoj dum la jaro 116, sub imperiestro Trajanus
la romia provinco Thracia, jen malhelruĝe akcentita
Bizancio perdis plejparton da Trakio favore al Bulgario en la 9-a jarcento, regajnis ĝin in 972, kaj reperdis ĝin en la 12-a jarcento. Dum la 13-a kaj 14-a jarcentoj, la regiono estis prenita kaj reprenita de Bulgario kaj Bizancio.
Finfine la tutan Trakion la Osmanida Imperio konkeris en la 14-a jarcento, kaj ĝin regis dum kvin jarcentoj.
Trakio denove dividiĝis inter Grekio, Bulgario kaj Turkio post la Unua mondmilito kaj la disfalo de la Osmanida imperio.
