Tamás Kopasz akiris diplomon en Belarta Altlernejo de Budapeŝto en 1981. Lia ĉefinstruisto estis Simon Sarkantyu. Post siaj studoj li ofte havis stipendiojn (1987–1990, 1993, 1995–1996, 2003, 2005, 2006). En 1993 li fondis ekspoziciejon kaj gvidis ĝin ĝis 1999. Li instruis pentroarton en libera lernejo inter 1994-2009, en la somera periodo same instruis inter 1998-2005 en artistkolonio de Zebegény. Inter 2000-2011 li instruis en arta mezlernejo de Győr, ekde 2009 li estas docento de Pedagogia Altlernejo de Eger. Inter 2010-2014 li gvidis artistkolonion en Zalaegerszeg. Li kreas ankaŭ grafikaĵojn kaj skulptaĵojn, krome li agadas ankaŭ en la muziko. Li ricevis premiojn inter 1990-2015.
