La svana kartvela lingvo (memnomigo ლუშნუ ნინ lušnu nin, kartvele სვანური ენა svanuri ena), estas lingvo el la kartvela lingvaro parolata en la montara nordokcidenta parto de Kartvelio. Pro tio ke pli ol mil jarojn la lingvo nur havas regionan statuson en Kartvelio, la nombro de parolantoj konstante malkreskis favore al la nacia lingvo, la kartvela. Nuntempe parolas ĝin inter 15 000 kaj 30 000 homoj. Unesko pro tiu evoluo konsideras la svanan kiel ankaŭ la iom pli sude parolatan mingrelan kartvelan definitive danĝeriĝintan lingvon.[1]
La kartvelaj lingvoj en Kaŭkazio: La teritorio de la svana lingvo verdas.
