Saint-Omer (Pas-de-Calais)

Por aliaj signifoj, bv. rigardi la apartigilan paĝon: Saint-Omer

Saint-Omer
komunumo en Francio ^vd
Blazono
Administrado
Ĝemelurboj Żagań (2015–) Ipro (1980–) Detmold (1970–) Deal ^(en) (1965–) ^vd
INSEE kodo	62765 [+]
Poŝtkodo	62500
En TTT	Oficiala retejo [+]
Politiko
Urbestro	Bruno Magnier 2008 - 2014
Demografio
Loĝantaro	14 358  (2022) [+]
Loĝdenso	875 loĝ./km²
Geografio
Geografia situo	50° 45′ N, 2° 16′ O (mapo)50.7483333333332.2608333333333Koordinatoj: 50° 45′ N, 2° 16′ O (mapo) [+]
Alto	0 m [+]
Areo	16,4 km² (1 640 ha) [+]
Horzono	UTC+01:00 [+]
Saint-Omer (Pas-de-Calais) DEC Situo de Saint-Omer
Saint-Omer (Francio) DEC Situo de Saint-Omer
Alia projekto
Vikimedia Komunejo Saint-Omer [+]
Premioj • Militkruco 1914-1918 ^vd

Saint-Omer

Saint-Omer [sẽtomeR] estas franca komunumo lokita en la departemento Pas-de-Calais kaj en la regiono Hauts-de-France. Tiu mezgranda urbo estas ankaŭ la subprefektejo de unu arondismento kaj la ĉefurbo de tri kantonoj.

Geografio

La rivero Aa trafluas la urbon. Ĝenerale havas akvo gravan rolon en Saint-Omer : la urbo estas ĉirkaŭita de marĉoj, kiuj estas nomitaj la Sanktomeraj marĉoj (franclingve le marais audomarois).

La ĉefplaco kaj la urbdomo

Ekonomio

Longa malnovtempa manlaboro permesis disvolvigi ekonomie la lokajn marĉojn. Nun estas grandaj legomaj kultivadoj, precipe de florbrasikoj, sed ankaŭ iom bredado de bovinoj. Laste ekzistas loka biero, la biero de Saint-Omer.

Krome, la marĉoj fariĝis grava turisma centro.

Famuloj ligitaj kun la urbo

• Audomar (*600 - †670) estis episkopo de Thérouanne. Li estis sekve kanonizita kiel Sankta Omer (Saint Omer), kaj donis tiun nomon al la urbo.
• Lazare Hippolyte Carnot (6-a de aprilo 1801 en Saint-Omer - 16-a de marto 1888 en Parizo) estis franca politikisto.
• Joseph Bienaimé Caventou (1795-1877) estis kemiisto, apotekisto, toksologo, profesoro pri kemio de la Altranga Lernejo pri Farmacio de Parizo.
• Alexandre Ribot (7-a de februaro 1842 en Saint-Omer - 13-a de januaro 1923 en Parizo) estis franca politikisto. Li estis kvinfoje ĉefministro.
• Jean Titelouze (1553 - 1633) estis muzikisto. Li estas rigardita kiel la kreinto de la franca orgena muziko.

Monumentoj kaj vidindaĵoj

• La katedralo Notre-Dame de Saint-Omer, malnovtempe nur senluksa kapelo (7-a jarcento), pligrandiĝis por fariĝi katedralo en 1561, post la detruo de Thérouanne fare de la militistoj de Karlo la 5-a. Ĝi enhavas pentraĵon de Petro Paŭlo Rubens kaj tombomonumenton konsekrita al Audomar, sed sen lia kadavro.
• La preĝejo Saint-Denis estas gotika preĝejo de la 13-a jarcento. Ĝi enhavas plurajn tombojn, inkluzive de tiu de Guillaume Fillastre, episkopo de Thérouanne, mortita en 1473.

Katedralo Notre-Dame

Esperanto

La urba biblioteko de Saint-Omer konservas en sia kolekto 'imprimés rares' (maloftaj presaĵoj) esperantan fonduson el la komenco de la 20a jarcento, kreitan de iama bibliotekisto Ernest Deligny. Laŭ komuniko de estro de la biblioteko (marto 2018) la kolekto daŭre estas nealirebla kaj pro financaj limigoj ne antaŭvideblas ŝanĝo dum la venontaj jaroj.^[1] Ĝia ordigo ne estas inter la prioritataj taskoj de la biblioteko por 2011-2012.^[2]

Ĝemelurboj

• Ipro (nederlandlingve Ieper, franclingve Ypres) en Belgio
• Deal en Britio
• Detmold en Germanio

Referenco

1. Retletero de Rémy Cordonnier, respondeculo pri la historiaj kolektoj, al Roland Rotsaert, 2018.03.13
2. Raporto pri la oficiala inaŭguro de la kolekto aperis en Nordfranca Esperantisto, julio-aŭgusto 1938, p. 101-103.

Vidu ankaŭ

• Komunumoj de Pas-de-Calais
• Saint-Omer (stacidomo)

Eksteraj ligiloj

• http://m3.dnsalias.com/sandelin^{[rompita ligilo]}
• Oficiala paĝaro de Saint-Omer
• Persona paĝaro pri Saint-Omer kaj la marĉoj^{[rompita ligilo]}
• Bildoj de Saint-Omer Arkivigite je 2021-06-16 per la retarkivo Wayback Machine
• Esperanto-kolekto de la Urba biblioteko de Saint-Omer (mencio tute sube de la paĝo) Arkivigite je 2015-09-23 per la retarkivo Wayback Machine