La ruĝa ribo (Ribes rubrum) estas bero, origine el la okcidenta parto de Eŭropo: Belgio, Germanio, Francio, Nederlando, Nord-Italio kaj Nord-Hispanio. Ĝi estas foliperdanta arbusto, normale 1 ĝis 1,5 m alta, kelkfoje 2 m, kun manlobaj folioj kun kvin loboj. La floroj estas modestaj flavoverdaj kaj la manĝeblaj beroj estas helruĝaj aŭ kelkfoje blankaj. La beroj (diametro proks. 8-12 mm) pendas en grapoloj de 3 ĝis 10 beroj, la longeco de tia grapolo estas 4 ĝis 8 cm. Plantita arbusto povas doni 3 ĝis 4 kg da beroj, ĉirkaŭ la mezo aŭ fino de la somero. Estas du specioj kun taksonomie neniu diferenco: