Ri-li estas komputila ludo, en kiu oni devas direkti lignan ludilon-trajneton kolektante vagonojn. Ĝi estas libera ludo, disponigata laŭ GNU GPL.
Dum ludado la vagonaro nehalteble moviĝas laŭ la reloj, kaj oni devas komuniki al ĝi la direkton de la sekva turno.
Kiel en la plejmulto da ludoj pri serpentoformaj bestoj, kolektante la vagonojn la vagonaro kreskas, alkroĉante la vagonojn al si, tiel malfaciligante senkatastrofan vojaĝon.
Sur la vojo renkonteblas ankaŭ aliaj bonaj kaj malbonaj aĵoj, ekzemple plirapidigantaj la vagonaron aŭ ŝanĝantaj la longecon de la intervagonaj fadenetoj.
Demando pri la numero de artikolo el la Deklaracio.
Post gajno de ĉiu nivelo la ludo montras artikolon el la Universala Deklaracio de Homaj Rajtoj kaj petas elekti la numeron de tiu artikolo el la du prezentitaj numeroj. Se la ludanto respondas ĝuste, li gajnas pliajn poentojn.
