La impona preĝejo ĉe plurlena bulvardo Ihringshäuser Straße
La preĝejo Sankta Bonifaco (germane: Kirche St. Bonifatius) estas romkatolika preĝejo en Kassel, Germanio, en la orienta urboparto de Kassel-Wesertor. La ejo staras rekte ĉe la avenuo Ihringshäuser Straße:
Historio
La Bonifaco-komunumo estis kaj teritorie kaj membronombre unu el du grandegaj komunumoj en la grandurbo nordhesia Kassel. La katolikoj vivas en diasporo. Ĝi apartenis al la pastorala ligo "Kassel Mitte" kune kun la komunumoj de Sankta Elizabeto, Sankta Laŭrenco, Sankta Jozefo kaj Sankta Familio. Ekde la 1.1.2016 la bonifacanoj formas kun la tri unue menciitaj komunumoj la novan komunumon Kirchgemeinde Sankt Elisabeth.[1]
Arkitekturo
Tiu ĉi preĝejo konstruitis en 1956/57 laŭ la planoj de la kasela arkitekto Josef Bieling (1919-81). La senkolonega halo-preĝejo konsistas el du kontraŭe reciproke kunmetitaj trapezoj. La buntkolora interno malegalas al la modesta blanka ekstero de la konstruaĵo. La krucifikson faris en 1958 la skulptisto Otto Sonnleitner (1906-85) el Würzburg, dume la mozaikoj estas verko de Gerhard Dechant.
.jpg)
