La preĝejo Patrono de Hungaroj (hungare Magyarok Nagyasszonya) estas sakrala konstruaĵo en urbo Tiszacsege (Hungario).
Historio
La unua mencio pri katolika kirko Ĉiuj Sanktuloj okazis en 1332. La loĝantoj kalvinaniĝis ĉirkaŭ 1640, poste la restintaj katolikoj apartenis al Egyek aŭ Újszentmargita, fine en 1935 estis fondita loke katolika grupo. En 1940 la paroĥa rajto estis rericevita, en la sekva jaro la nun videbla preĝejo estis finkonstruita fare de Sándor Hevesi (arkitekto). La paroĥo loke funkciis ĝis 1998, poste en Egyek. La kirko estis renovigita en 2012.
Konstruaĵo
La preĝejo situas sola en korto, antaŭe krucifikso estas videbla. La fasado estas malsimetria, maldekstre la kvadrata turo altiĝas kun bulba turpinto, dekstre duonronda malgranda konstruaĵparto videblas. En la turo 3 sonoriloj loĝas. Super la pordo en niĉo estis metita statuo pri Sankta Maria. La ĉefnavo havas krucnavon kaj finiĝas en duonronda absido. Ĉe la fino oni ambaŭflanke konstruis sakristiojn. Interne la freskoj kaj instalaĵoj redonas iomete novbarokan impreson.
Kermeso okazas en la okan de oktobro.
Fontoj
