La Premio Unesko/Guillermo Cano de Monda Gazetarlibereco, kreita en 1997, honoras personon, organizaĵon, aŭ institucion, kiu elstare kontribuis al la defendo kaj/aŭ progresigo de gazetarlibereco ie ajn en la mondo, precipe kiam atingite en riska situacio.
La premio, kiu inkluzivas 25 000 usonajn dolarojn, premiiĝas ĉiun jaron je la okazo de Monda Tago de Gazetarlibereco je la 3a de majo.
La premio havas la nomon de Guillermo Cano Isaza, la redaktoro de la kolombiaĵurnaloEl Espectador, kiu estis murdita en Bogoto la 17an de decembro 1986. Cano estis malkaŝa kritikanto de la potencaj drogestroj de la lando.
Ĉiujare sendependa juĝantaro[1] de ses ĵurnalismaj profesiuloj, elektitaj de la Ĝenerala Direktoro de Unesko, elektas ricevanton el la multaj kandidatoj proponitaj de ne-registaraj organizaĵoj, kiuj laboras pri gazetarlibereco, kaj de la membroŝtatoj de Unesko. La juĝantaro daŭras tri jarojn, unufoje renovigebla.
La itala ĵurnalisto Marilù Mastrogiovanni, kiu verkis kontraŭ krimulaj organizaĵoj, fariĝis la prezidanto de la juĝantaro en 2021.[2] Aliaj membroj de la juĝantaro estas:
