Portsmouth estas kaj urbo kaj unuara instanco en la angla regiono Sud-orienta Anglio.
Ĝis 1997 ĝi estis parto de la provinco Hampshire. Laŭ la stato de 2016 en la urbo vivis 248 440 loĝantoj sur areo de 40,25 kvadrataj kilometroj, kio rezultigas loĝdenson de 6 172 loĝantoj/km².
Ĝi estas la sola brita urbo situanta sur insulo (Insulo Portsea), kaj estas grava militarmea haveno kun longa historio.
Landport estas distrikto en la centro de la insulo Portsea kaj parto de la urbo Portsmouth.
En la sportmondo Portsmouth famas pro sia futbal-klubo.
Dum la Dua Mondmilito granda parto de la urbo detruiĝis pro bomboj.
Vidindaĵoj
Inter la vizitindaĵoj estas HMS Victory, la flagŝipo de admiralo Horatio Nelson, la Mary Rose (tudora militŝipo), HMS Warrior (deknaŭa-jarcenta militŝipo), anglikana kaj romkatolika katedraloj, kaj kastelo.
