La Polikarpov R-5 estis soveta biplano, produktita en la 1930-aj jaroj en ĉ. 7.000 ekzempleroj kaj estis – krom la Po-2 – la plej uzata tipo en la Sovetunio.
Nikolaj Polikarpov ekplanis la aviadilon jam en ĉ. 1925, la flugprovoj okazis de aŭtuno de 1928 ĝis komence de 1929. La seria produktado komenciĝis en 1931 kaj finiĝis en 1937. La R-5 estis robusta kaj fidebla aviadilo.
La R-5 estis provita en ĉiuj konfliktoj kaj militoj de la Sovetunio, de la hispana enlanda milito ĝis la japana-rusa limkonflikto kaj kompreneble dum la dua mondmilito (ĝis 1944). Lastfoje ĝi servis kiel sanitara kaj interkonekta aviadilo. Pluaj taskoj estis la evakuado (en arkta regiono), skoltado, bombado.
La Aeroflot uzis R-5 sub nomo PR-5 kiel pasaĝeran kaj ŝarĝotransportan aviadilon.
