Pienza - [PJENca] - estas komunumo de Italio. Ĝi apartenas al la provinco Sieno kaj al la regiono Toskanio. Laŭ la stato de 2023 en la komunumo vivis 1 976 loĝantoj sur areo de 122,96 kvadrataj kilometroj, kio rezultigas loĝdenson de 16 loĝantoj/km². Kristana patrono estas la sanktulo Sankta Andreo, kies memortago sekve estas la komunuma festotago.
La historio de Pienza estas iom nekutima: ĝis 1462 estis nur eta vilaĝo, konata kiel Corsignano. Ĝia sorto ŝanĝiĝis per la tiea naskiĝo en 1405 de Enea Silvio Piccolomini kiu 53 jarojn poste fariĝis papo Pio la 2-a. Vojaĝo lia al Mantova kondukis lin tra sia naskiĝejo. Ties mizera stato instigis lin, konstrui sur la malnova loko belan urbeton. Tiun taskon li konfidis al la arkitekto Bernardo Rossellino: daŭris ĉirkaŭ kvar jarojn, kun kiel rezulto la tre harmonia renesanc-stila urbeto. La baldaŭa morto de la papo iasence estis la fino de la historio: Pienza restas plu malgranda ĉarma urbeto, preskaŭ ne ŝanĝita en postaj epokoj.
