Pico do Arieiro aŭ Pico do Areeiro (nome Montopinto de la Sablisto), je 1818 m alte, estas la tria plej alta montopinto de la insulo Madejro.[1] La pado alnordena al Pico Ruivo estas grava turisma allogaĵo, kun ĉiutaga averaĝo de 1000 turistoj piedirantaj tie.
Estas facila ŝosea aliro al la montopinto, kun granda aŭtejo, restoracio, rigardejo kaj suvenirejo. El Pico do Arieiro videblas aliaj lokoj de la insulo, kiaj Ponta de São Lourenço, Curral das Freiras kaj eĉ la najbara insulo Porto Santo (ĉe favoraj meteologiaj kondiĉoj). Vintre la montopinto kaj ĉirkaŭoj povas troviĝi kovritaj el neĝo, kaj pro tio lokanoj vizitas ĝin.
