La parko Luneta aŭ parko Rizal[1] (filipineLiwasang Luneta aŭ Liwasang Rizal), ankaŭ konata simple kiel Luneta, estas historia urba parko situanta en kvartalo Ermita de Manilo. Ĝi estas konsiderita unu el la plej grandaj urbaj parkoj en la Filipinoj, kovrante areon de 58 hektaroj. La loko sur kie la parko estas situanta estis origine konata kiel Bagumbayan dum la hispana kolonia periodo. Ĝi estas najbara al la historia Ĉirkaŭmurigita Urbo Intramuros.
la parko en 2022, vidata de la kontroversa turdomo Torre de Manila
Situanta sur la orienta bordo de la Manila golfo, la parko ludas signifan rolon en formado de la historio de Filipinio. La ekzekuto de filipina patrioto José Rizal la 30-an de decembro 1896 en la sama areo ventigis la flamojn de la Filipina Revolucio de 1896 kontraŭ la Regno de Hispanio. La parko estis oficiale nomita en lia honoro, kaj la monumento pri li funkcias kiel la simbola fokuso de la parko. La Filipina sendependeco de Usono anonciĝis ĉi tie la 4-an de julio 1946, same kiel poste politikaj manifestacioj, inkluzive de tiuj de Ferdinand Marcos kaj Corazon Aquino, ĉi-lasta kulminis per la popola revolucio de 1986. Ankaŭ la tielnomata Marŝo de miliono da homoj de aŭgusto 2013 disvolviĝis ĉefe tie.
.jpg)
