Otto BRAUN estis germana politikisto kaj eldonisto. Li naskiĝis la 28-an de januaro 1872 en Kenigsbergo kaj mortis la 14-an de decembro 1955 (83-jara) en Locarno. Germana socialdemokrata politikisto en la Vajmara Respubliko, li oficis kiel membro de la ŝtata parlamento Reichstag kaj kiel ĉefministro de Prusio. Interalie li plurfoje estis gasto en la Monte Verità, kunvenejo de la anoj de la vivreforma movado, parto de la urbo Askono, en la kantono Tiĉino de Svislando.
