La Orienta Marbordo de Kantabrio (hispane: Costa Oriental) estas komarko en Kantabrio (norda Hispanio).
Ĝi estas tre dense loĝata komarko. En la komarka ekonomio fiŝkaptado kaj manufakturado de fiŝoj estis tre grava, sed hodiaŭ ankaŭ turismo havas ĉefan rolon.
En Kantabrio komarkoj ne havas propran sendependajn povojn nek estas oficiale agnoskitaj kaj tial administra komarko-divido estas nur kultura aŭ socia.[1]
Geografio
Ĝi situas en la orienta marbordo de Kantabrio, ĉe la Kantabra Maro kaj la regiona limo kun la Eŭska Aŭtonoma Komunumo.
Ĝi ampleksas nur kvar municipojn:
La riveroj Asón kaj Agüera trafluas la komarkon kaj venas en la maron en ties marbordo.
Loĝantaro
Ties ĉefurbo estas Laredo kaj ties plej loĝita loko estas Castro Urdiales. Laŭ la censo de 2012, sume la loĝantaro estas 54.046 homoj. Tamen, en la komarko estas granda nombro de homoj originaj de Eŭskio (ĉefe Biskajo) kaj loĝantaj en Kantabrio sed ne oficiale registritaj en la censoj de la municipoj. Kialo estas tio, ke la kosto de loĝejoj estas pli malmultekosta ol en Biskajo, kaj precipe Bilbao (plej granda urbo en Eŭskio), kiu situas tre proksime de la komarko (aŭtomobila veturo daŭras maksimume 30 minutojn de la plej malproksima municipo, tio estas Colindres).
Bildaro
Referencoj
_Mapa.svg)
.PNG)
