Observatorio McDonald

Observatorio McDonald
steloobservatorio
Geografia situo	30° 40′ 17″ N, 104° 1′ 19″ U (mapo)30.6714-104.022Koordinatoj: 30° 40′ 17″ N, 104° 1′ 19″ U (mapo)
Lando(j)	Usono ^vd
Situo	Fort Davis
Observatorio McDonald (Teksaso) DEC
Observatorio McDonald
Partoj Harlan J. Smith Telescope ^(en) , Hobby–Eberly Telescope ^(en) , Otto Struve Telescope ^(en) kaj Frank N. Bash Visitors Center ^vd
Retejo	Oficiala retejo

Vido de la observatorio :
Maldekstre : monto Fowlkes ; dekstre : monto Locke

Kupoloj de la teleskopoj „Otto Struve“ de 2,1 m (maldekstre) kaj „Harlan J. Smith“ de 2,7 m (dekstre)

La Observatorio McDonald (angle McDonald Observatory) estas astronomia observatorio en la urbo Fort Davis (Teksaso, Usono). Ĝia MPC-kodo estas 711^[1]. La ĉefa konstruaĵo troviĝas sur la monto Locke (Montaro Davis), je alto de 2070 m. (koordinatoj : 30° 40′ 17″ N 104° 1′ 21″ U (mapo)) ; kromaj instalaĵo situas sur la monto Fowlkes, ĉirkaŭ 1,3 km nord-oriente. La observatorio situas en kampuso de la Universitato de Teksaso ĉe Aŭstino kaj estas financata ĉefe de tiu universitato.

Historio

La Observatorio McDonald estis kreita danke al donaco de la bankisto William Johnson McDonald (1844 – 1926) al la Universitato de Teksaso. Post prokrasto pro kontesto de la testamento, la konstruo komenciĝis sur la monto Locke. La Teleskopo Otto Struve (tiame ankoraŭ ne nomata) estis tie inaŭgurata la 5-an de majo 1939 kaj estis tiam la dua plej granda teleskopo en la mondo. La Observatorio McDonald laboris sub kontrakto de la Universitato de Ĉikago ĝis la 1960-aj jaroj, kiam ĝi iĝis regita de la Universitato de Teksaso, sub la estreco de Harlan James Smith^[2].

La nunaj esploroj koncernas la planedsistemojn, la spektroskopion de la steloj, la interstelan medion, la ekstergalaksian astronomion kaj la teorian astronomion^[3].

Instrumentoj

La observatorio havas diversajn instrumentojn de bildigo kaj spektroskopio en la videbla spektro kaj en la infraruĝa, kaj funkciigas la unuan stacion de lasera distancmezuro de Luno.

Sur la Monto Locke, troviĝas:

• La Teleskopo Otto Struve, de 2,1 m de diametro, kiu ekfunkciis en 1939. Ĝi estas la unua instrumento de la observatorio ;
• La Teleskopo Harlan J. Smith, de 2,7 m de diametro konstruita en 1968 ;
• La norda teleskopo de 1,2 m de la „Monitoring Network of Telescopes“, la kongrua suda teleskopo situas en la Sud-Afrika Astronomia Observatorio (SAAO) de Sutherland, (Norda Kablando);
• Teleskopo "Ritchey-Chretien" de 0,5 m, propraĵo de la Universitato de Bostono, uzata en optika aeronomio.

Sur la Monto Fowlkes, troviĝas:

• La Teleskopo Hobby-Eberly de 9,2 m, sub ĝia karaktera plurfaceta kupolo^[4]. Konstruita en 1996, ĝi estas nune la kvara plej granda teleskopo en la mondo.
• La "McDonald Laser Ranging System" (MLRS) : lasera lokalizilo uzita kun teleskopo de 0,76 m por lasera distancmezuro de satelito kaj de Luno.
• La teleskopo de 0,4 m de la „Robotic Optical Transient Search Experiment“ (ROTSE) : „Robota Optika Esploro de Nedaŭraĵoj“, uzita por serĉi optikajn spurojn de la gama-radiaj ekbriloj.

Popularigo

La observatorio estas vizitebla de la publiko. Ĝi produktas la radioprogramadojn de scienca popularigo „StarDate“ en angla kaj „Universo“ en hispana.

• 
  Kupolo de la teleskopo Hobby-Eberly
• 
  Teleskopo Harlan J. Smith
• 
  Eniro de la observatorio

Notoj kaj referencoj

1. Minor Planet Center Observatoriaj kodoj
2. Nekrokogo de Harlan James Smith (1924-1991) (el la paĝaro de William Jefferys) (angle)
3. Astronomia programo de la Universitato de Teksaso ĉe Aŭstino (angle)
4. Oficiala paĝaro de la HET (Hobby-Eberly Telescope) (angle)

Eksteraj ligiloj

• angle Oficiala retpaĝaro de McDonald Observatory