La kurmanĉa (nacilingve ĝi estas nomata kurmancî (en araba skribo کورمانجی) aŭ kurdiya jorîn (en araba skribo کوردیا ژۆرین), formas nordkurdan dialektaron de la kurda lingvo, parolata en Turkio de proksimume 15 milionoj da parolantoj, kaj krome de eble 5 milionoj da homoj en aliaj landoj; 2,8 milionoj en Irako (en 2004), 940 mil homoj en Sirio (1993) kaj 350 mil homoj en Irano (1998). Sume proksimume 80 procentaĵoj de la parolantoj de la kurda lingvo apartenas al tiu dialektaro.
Ĝia ISO-kodo estas krm. Ĝi estas la oficiala ceremonia lingvo de la jezidismo, kaj en tiu funkcio havas statuson de oficiala malplimulta lingvo en Armenio. Kvankam historie la kurda foje ankaŭ estis skribita per la araba aŭ cirila skriboj, nuntempe normas specifa variaĵo de la latina skribo.
Kadre de la kurda lingvo la nordaj dialektoj kontrastas precipe kun la sorana (centraj kurdaj dialektoj) kaj kun la sudaj kurdaj dialektoj, kaj en la irana lingvaro ĝi diferenciĝas ankaŭ de la proksimaj gorana lingvo kaj zazaa lingvo.
Vidu ankaŭ
