La nederlanda aŭtovojo 9 aŭ A9, en parto de la vojo nomata N9 (nederlandeRijksweg 9, aŭ Autosnelweg A9 respektive Autoweg N9) estas aŭtovojo inter la sudoriento de la urbo Amsterdamo sude kaj la urbo Den Helder norde. Ĝi sude kaj okcidente ĉirkaŭas la urbon Amsterdamo kaj tie havas la funkcion de ekstera aŭtovoja ringo ĉirkaŭ Amsterdamo (la funkcion de interna aŭtovoja ringo plenumas la nederlanda aŭtovojo 10).
Voje ĝi interalie tuŝas la flughavenon Schiphol kaj la urbon Haarlem. Norden ĝi pluvojas al la urbo Alkmaar, de tie ĝi malpli larĝas kaj sekve norden havas la numeron N9: Ĝi ĉirkaŭas la urbon Alkmaar kaj finiĝas en De Kooy, antaŭurbo de la komunumo Den Helder. De tie la vojo ankoraŭ mallongan distancon plukondukiĝas, je la kodo N250, ĝis la haveno de Den Helder, de kie vojas pramŝipoj interalie al la insulo Texel.
