Nava de la Asunción [NAba delasunZJON] estas municipo en la okcidento de la provinco Segovio, en la regiono Kastilio-Leono, Hispanio. Ĝi apartenas al la komarko Campiña Segoviana. La loknomo Nava de la Asunción estas etimologie komprenebla kiel Altbieno de la Ĉieliro (de la Virgulino).
Nava de la Asunción en la provinco Segovio.
Geografio
Ĝia municipa teritorio okupas totalan areon de 83,15 km² kaj laŭ la demografia informo de la municipa censo fare de la INE en 2021, ĝi havis 2 748 loĝantojn. Estas du loĝlokoj nome Nava de la Asunción kaj Moraleja de Coca.
Ĝi distas 43 km de Segovio, provinca ĉefurbo kaj limas kun municipoj Coca, Navas de Oro, Santiuste de San Juan Bautista, Miguelañez, Domingo García, Rapariegos, Codorniz, Aldeanueva del Codonal kaj Nieva.
Historio
La areo apartenis unue al la Regno Kastilio. En Mezepoko okazis reloĝado.
Konata dekomence kiel Nava de Coca, ĉar ĝi apartenas al la respektiva Comunidad de villa y tierra de Coca.
Tradiciaj enspezofontoj estis agrikulturo (cerealoj kaj vitejoj) kaj brutobredado (ŝafoj) kaj rilata komercado. Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis diversaj vizitindaj vidindaĵoj kiel la preĝejo de Nuestra Señora de la Asunción.
