La Monda Kolumba Ekspozicio aŭ World's Columbian Exposition (oficiala mallongigita nomo por World's Fair: Columbian Exposition,[1] konata ankaŭ kiel The Chicago World's Fair, Ĉikaga Mondofoiro) estis internacia ekspozicio okazinta en Ĉikago, Usono, en 1893 por celebri la 400an jariĝon de la alveno de Kristoforo Kolumbo al la Nova Mondo en 1492.[2] La ikona centra peco de la Foiro, nome la granda akvobaseno, reprezentis la longan veturon kiun Kolumbo faris ĝis la Nova Mondo. Ĉikago superis Novjorkon, Vaŝingtonon, Sanktluison por la honoro gastigi la foiron. La Ekspozicio estis influa socia kaj kultura evento kaj havis profundan efikon sur arkitekturo, sansistemo, artoj, ĉikaga membildo, kaj usona industria optimismo. La Ĉikaga Kolumba Ekspozicio estis, grandparte, desegnita de Daniel Burnham kaj Frederick Law Olmsted. Ĝi estis la prototipo de tio kion Burnham kaj liaj kolegoj pensis por ideala urbo. Ĝi estis dezajnita por sekvi la dezajnprincipojn de la arkitektura stilo nome Beaux Arts, nome principoj de franca novklasika arkitekturo bazita sur simetrio, ekvilibro kaj brilo.
↑Truman, Benjamin. (1893) History of the World's Fair: Being a Complete and Authentic Description of the Columbian Exposition From Its Inception. Philadelphia, PA: J. W. Keller & Co..
