La Monaĥejo de la hieronimanoj de Sankta Maria de Belém, situas en la kvartalo Belemo (Lisbono), Portugalujo. Ĝi estis dizajnita de la arkitekto Juan de Castillo, kaj mendita de la reĝo Manuel la 1-a de Portugalujo por memorigi la revenon el Hindujo de Vasco de Gama. Ĝi estis fondita en 1501 en antikva ermitejo. La unua etapo de la konstruado ekiĝis en 1514 kaj ampleksiĝis kun modifoj ĝis la 20-a jarcento. Ĝi estis financita danke al 5% de la impostoj prenitaj el la orientaj spicoj, escepte de la papriko, la cinamo kaj kariofilo, kiu rekte iris al la Krono. En ĝi troviĝas la tomboj de la naviganto Vasco da Gama, la poeto Luís de Camões kaj ekde 1985, la restaĵoj de la verkisto Fernando Pessoa.
