Jeanne Bourgeois debutis kiel Mistinguett en la Kasino de Parizo en 1895, kaj partoprenis poste en spektakloj de Folies Bergère, Moulin Rouge, kaj Eldorado. Ŝi iĝis unu de la plej popularaj francaj artistoj siatempe kaj la plej grava virino en la mondo de la spektaklo. En 1919, ŝiaj kruroj estis sekurecigitaj por la enorma monkvanto de 500 000 frankoj. Ŝi estis la unua kiu kantis la kanton Ça c'est Paris ("Tio estas Parizo") de José Padilla, nomita de la verkisto Jacques Charles la "himno de la parizanoj". Ŝi havis longdaŭran amrilaton kun Maurice Chevalier, kiu estis ankaŭ ŝia arta partnero.
En 1920, ŝi registris sian unuan kanton, Mon homme (Mia viro), kiu poste estis popularigita anglalingve kiel My man fare de Fanny Brice kaj klasikaĵo de la repertorio de nombraj kantistoj, kiel en Hispanio fare de Sara Montiel kiu popularigis ĝin kun la titolo Es mi hombre. La franca aktoro Jean Gabin ekkarieris kun ŝi, premiere de la fama Java de Doudoune alia verko de José Padilla.
