PROFILBARU.COM

Ministraro tria de Angela Merkel
federacia kabineto de Germanio
Jurisdikcio	Germanio
Lando	Germanio
Partoprenanta	Ursula von der Leyen • Sigmar Gabriel • Frank-Walter Steinmeier • Thomas de Maizière • Heiko Maas • Wolfgang Schäuble • Peter Altmaier • Brigitte Zypries • Andrea Nahles • Katarina Barley • Hans-Peter Friedrich • Christian Schmidt • Manuela Schwesig • Hermann Gröhe • Alexander Dobrindt • Barbara Hendricks • Johanna Wanka • Gerd Müller vd
Ministraro tria de Angela Merkel
Dum	17-a de decembro 2013 - 14-a de marto 2018
Antaŭulo	Ministraro dua de Angela Merkel
Sekvanto	Ministraro kvara de Angela Merkel
Retejo	Oficiala retejo
	v • d • r

La tria ministraro de Angela Merkel estis la federacia registaro de Germanio, kiu laŭplane oficas ekde la 17-a de decembro 2013, la tago de ofica ĵuro, dum la 18-a parlamenta periodo de la nacia asembleo Bundestag sekve de la parlamenta baloto en Germanio 2013. Ĝi formale oficis ĝis la 24-a de oktobro 2017, sed pro longdaŭraj koaliciaj marĉandadoj ankoraŭ provizore pluagis ĝis la 14-a de marto 2018, kiam ĝi estis sekvata de kvara ministraro de Angela Merkel. Estrata de la kristandemokratino Angela Merkel - la unua kancelierino -, ĝi estas subtenata de registara koalicio de la konservativaj partioj Kristandemokrata Unio de Germanio (CDU) kaj Kristansociala Unio en Bavario (CSU) plus la Socialdemokrata Partio de Germanio (SPD). La ministraro havas la adjektivon "tria", ĉar jam dum la antaŭaj 16-a parlamenta periodo de la nacia asembleo inter novembro 2005 kaj 2009 la nacia registaro estis estrata de Angela Merkel, same en koalicio inter la partioj CDU, CSU kaj SPD, kaj ankaŭ dum la 17-a periodo de la asembleo inter novembro 2009 kaj decembro 2013 - tiam tamen temis pri koalicio inter la konservativaj partioj CDU kaj CSU plus la Libera Demokrata Partio (FPD), kiu en la baloto de 2013 unuafoje en la historio de la parlamento Bundestag ne atingis minimumon de 5 procentaĵoj da voĉdonoj kaj sekve ne reprezentantiĝas en la parlamento.

La listo de la unuopaj ministroj de la "granda koalicio" de la konservativaj partioj Kristandemokrata Unio de Germanio (CDU) kaj Kristansociala Unio en Bavario (CSU) plus la Socialdemokrata Partio de Germanio (SPD) - "granda", ĉar la du partiaj blokoj havas la grandan plimulton de parlamentanoj, kaj la parlamenta opozicio sekve estas kompare malgranda, principe situacio evitinda en parlamenta demokratio - publikiĝis la 15-an de decembro 2013. Ĝi sekvu la direktojn de koalicia programo, kiu havas la memfidan titolon "Deutschlands Zukunft gestalten" - "formi la estontecon de Germanio".

Konsisto

Ofico		Partio
Federacia Kancelierino	Angela Merkel	CDU
Vickanceliero	Sigmar Gabriel	SPD
Federacia ministro pri eksteraj rilatoj	Frank-Walter Steinmeier	SPD
Federacia ministro pri interno	Thomas de Maizière	CDU
Federacia ministro pri justico	Heiko Maas	SPD
Federacia ministro pri financo	Wolfgang Schäuble	CDU
Federacia ministro pri ekonomio kaj teknologio	Sigmar Gabriel	SPD
Federacia ministrino pri laboro kaj socialaj aferoj	Andrea Nahles	SPD
Federacia ministro pri nutro, agrokulturo kaj protekto de konsumantaro	Hans-Peter Friedrich	CSU
Federacia ministro pri defendo	Ursula von der Leyen	CDU
Federacia ministrino pri familioj, maljunuloj, virinoj kaj junuloj	Manuela Schwesig	CDU
Federacia ministro pri sano	Hermann Gröhe	CDU
Federacia ministro pri transporto, konstruo kaj urba evoluo	Alexander Dobrindt	CSU
Federacia ministro pri medio, protekto de naturo kaj atomenergia sekureco	Barbara Hendricks	SPD
Federacia ministrino pri eduko kaj esploro	Johanna Wanka	CDU
Federacia ministro pri ekonomia kunlaboro kaj evoluo	Gerd Müller	CSU
Federacia ministro pri specialaj taskoj, ĉefo de la federacia kancelierejo	Peter Altmaier	CDU