Escepte kiam indikitaj, datumoj estas prezentataj laŭ iliaj
normaj kondiĉoj pri temperaturo kaj premo (25 °C kaj 100 kPa)
Metakrilata acido estas organika acida kombinaĵo, senkolora kaj viskozeca likvaĵo kun malagrabla odoro. Ĝi estas solvebla en varma akvo kaj mikseblas kun plejmulto el la organikaj solvantoj. Metakrilata acido industrie produktatas larĝaskale kiel antaŭanto de ĝiaj esteroj, ĉefe la metila metakrilato kaj ĝia polimero la polimetila metakrilato.
La metakrilatoj havas sennombrajn uzojn, plej specife en la manufakturo de polimeroj. La metila metakrilato nature okazas en etaj kvantoj en la oleo de la Chamaemelum nobile. Akrilata kaj metakrilata acidoj facile polimerizas en ĉeesto de lumo, varmo kaj oksigeno, kaj ankaŭ sub la agado de oksidigagentoj tiaj kiaj la peroksidoj. Ankaŭ ripetitaj frostoj kaj fandprocezoj povas kaŭzi polimerizon.
Metakrilata acido estis unue sintezita de Edward Frankland (1825-1899)[1] kaj Baldwin Francis Duppa (1828-1873)[2] sub la formo de ĝia etila estero per reakcio kun fosfora kvinklorido kaj estero de izobuterata acido. En 1880, la polimera formo de la metakrilata acido estis unue priskribita. Ĝi nature okazas kiel estero de la kamomiloleo.
Sintezo
La industria metodo por sintezado de la metakrilata acido kaj ĝiaj esteroj sidas sur la interagado de acetono-cianohidrino kaj akvo:
