De 1919 ĝis 1922 li laboris en la Munkena teatro Kammerspiele. Tiutempe oni ankaŭ preparis la unuan filmon, en kiu li aperis: Der Richter von Zalamea.
Mondfamon li en 1922 akiris en la rolo de vampiro la horora filmo Nosferatu de la reĝisoro Friedrich Wilhelm Murnau. Li tiel konvinke aktoris, ke kelkaj homoj timis, ke la aktoro mem estis vampiro, ne laste pro lia nomo: Schreck = Teruro.
En la jaro 1923 Max Schreck aperis en la filmo Die Straße, poste li revenis al Munkeno. Li mortis subite en la aĝo de 56 jaroj, post kiam li mallonge antaŭe ankoraŭ staris sursceneje.
