Mark Whitty EVERSON (naskita la 10-an de septembro1954 estas usonakontisto, impostaburokrato kaj politikisto. Li servis en fiskaj kaj administraj roloj en la usona registaro sub prezidentojRonald Reagan kaj George W. Bush, plej altrange sub ĉi tiu kiel direktoro de la IRS (Enlanda Enspeza Servo, ĉefa usona fiska instanco) de 2003 ĝis 2007. Poste li tenis oficojn en la Indiania registaro sub ŝtatestro Mitch Daniels (2009-2012). En 2007, post sia eksiĝo el IRS, Everson dungiĝis kiel estro de la Usona Ruĝa Kruco, sed devis demisii post ses monatoj pro akuzoj pri "engaĝiĝo en persona rilatado" kun subulino. Inter siaj registaraj servadoj sub Reagan kaj Bush, li laboris por la franca industria firmao Pechiney SA (1988-1998) kaj poste por la usona manĝoserva firmao SC International Services, Inc.
Mark Everson, estro de la IRS (2006)
La 5-an de marto2015 Everson anoncis sian kandidatecon por la respublikana nomumo por Prezidento de Usono en la voĉdonado de 2016.[1] La 5-an de novembro2015, ne sukcesinte altiri multe da subtenado nek da rekoniĝo, li retiris sian kandidatecon.[2]
