Antaŭ Kristo 326 tie (pli precicze 8 kilometrojn for) okazis batalo inter Aleksandro la Granda kaj Poroso (reĝo de Hindio). Laŭdire la ĉevalo de Aleksandro mortis, cetere la grekoj venkis. La regiono de Mandi Bahauddin estis sub la regado de diversaj potencoj tra la historio. Ĝi estis konkerita de la sikoj en 1818, la brita dominado okazis inter 1848-1947, tiam en tiu areo irigaciaj kanaloj konstruiĝis. Post la sendependiĝo en 1947 la islamaj rifuĝintoj el nova ŝtato Barato ekloĝis ankaŭ en Mandi Bahaudin. En 2011 la kadavro de ĵurnalisto estis trovita en kanalo proksime al la urbo kun signoj de torturo.
Loĝantaro
Loĝantaro
1961
1972
1981
1998
2010
2017
22 295
36 172
44 796
97 340
157 352
198 609
Eduko
En Mandi Bahaudin la plej prestiĝa altlernejo estas la Ŝtata Teknologia Altlernejo, krome aliaj ŝtataj kaj privataj altlernejoj funkcias en la urbo.
Ekonomio
Mandi Bahaudin estas agrara urbego, la grundo estas bona, la irigaciaj kanaloj bone funkcias. Oni kultivas tritikojn, rizojn, sukerkanojn kaj legomojn.
Mapo pri vojoj de Pakistano, kie estas videbla Mandi BahaudinFervojaj linioj en Pakistan, kie vane vi serĉas Mandi Bahaudin
Trafiko
Mandi Bahaudin havas nur 4 kantonajn vojojn, rekte ne povas atingi gravajn urbegojn. Eĉ mankas fervoja kontakto. La plej proksimaj internaciaj flughavenoj funkcias en Sialkot, Fajsalabado kaj Lahoro (sufiĉe for).
Klimato
Mandi Bahaudin situas en duonarida klimato (BSh) laŭ klimata klasifiko de Köppen kun influo de musono. La varmo kulminas junie kun averaĝe iom pli ol 40 °C. Vintre ne frostas. En ĉiuj monatoj pluvas (jare po 500-600 mm), sed la musono portas pluvojn en julio kaj aŭgusto.
.svg)
