Luís Filipe Carrilho de Castro Mendes (naskita la 21-an de novembro 1950 en Idanha-a-Nova) estas portugala politikisto, diplomato kaj verkisto. De april, 2016 ĝis oktobro 2018, li estis Ministro de Kulturo en la la 1-a Kabineto de Costa, la 21-a konstitucia registaro de Portugalio gvidita fare de ĉefministro António Costa [1][2].
Por la UK 2018, li estis la Alta Protektanto de la Kongreso [3].
Kariero
Mendes diplomiĝis pri juro de la Universitato de Lisbono.
Li estis Ĝenerala Konsulo en Rio-de-Ĵanejro de 1998 ĝis 2000, kaj poste servis kiel la portugala ambasadoro al Budapeŝto de 2003 ĝis 2007 kaj kiel la ambasadoro al Nov-Delhio de 2007 ĝis 2009.
Verkado
Mendes komencis eldoni poezion en la junulara suplemento de la gazeto Diário de Lisboa kaj en la literatura aldono de la gazeto República meze de la 1960-aj jaroj.
Lia unua libro, Recados, estis publikigita en 1983. Ekde tiam li publikigis grandan nombron da libroj, kiuj estas ligitaj al la lirika tradicio en la portugala literaturo. Per persona rakonto, li traktas individuan kaj kolektivan memoron, kun forta konscio pri amo kaj morto.
Lia laboro, kiu estas ĉefe klasifikita kiel postmoderna kaj karakterizita per kultura dialogo kaj estetika interŝanĝo, lastatempe montris kreskantan atenton al la sorto de la homaro kaj demandas demandojn pri la evoluoj de nuntempa socio.
Ekde 1985, Mendes ricevis kelkajn literaturajn premiojn, plej lastatempe la Prémio António Quadros por Lendas da Índia (2012). La portugala PEN-Klubo aljuĝis al li la Poezio-Premion en 1992 kaj la novelojn-Premion en 1996.
Verkaro
- Recados, 1983
- Areias Escuras, 1984
- Seis Elegias e Outros Poemas, 1985
- Quadras ao Gosto Pessoano, 1987
- A Ilha dos Mortos, 1991
- Viagem de Inverno, 1993
- O Jogo de Fazer Versos, 1994
- Correspondencia Secreta, 1995
- Modoj de Música, 1996
- Outras Canções, 1998
- Os Dias Inventados, 2001
- Lendas da Hindio, 2011
- A Misericórdia dos Mercados, 2014
- Outro Ulisses Regressa a Casa, 2016
- Poemas Reunidos, 2018
Referencoj
_(cropped).jpg)
