Coy Luther "Luke" PERRY la 3-a (11a de Oktobro, 1966 – 4a de Marto, 2019) estis usona aktoro. Li iĝis porjunulara idolo ludante la rolon de Dylan McKay en la televida serio de Fox Beverly Hills, 90210 el 1990 ĝis 1995, kaj denove el 1998 ĝis 2000. Li stelulis ankaŭ kiel Fred Andrews en la serio de the CW Riverdale. Li havis gastrolojn en elstaraj programoj kiel Criminal Minds, Law & Order: Special Victims Unit, The Simpsons, kaj Will and Grace, kaj stelulis ankaŭ en kelkaj filmoj, kiel Buffy the Vampire Slayer (1992), 8 Seconds (1994), The Fifth Element (1997), kaj Once Upon a Time in Hollywood (2019), sia fina kinapero.
KLopode al serĉado de pli maturaj roloj, li decidis lasi Beverly Hills, 90210 en 1995. Tiun jaron, li partoprenis en la itala filmo Vacanze di Natale '95, ludante sin mem. Kvankam li anoncis, ke li jam forlasis 90210, lia foresto daŭris nur tri jarojn, kaj li revenis al la programo en 1998. Dum tiu tempo, Perry stelulis en la sendependa filmo Normal Life ku Ashley Judd,[1] stelulis en la televida sciencfikcia filmo Invasion (1997),[2] kaj en Riot (1997), dramo pri sociaj tumultoj en 1992 en Los-Anĝeleso.[3] Li havis malgrandan rolon en la sciencfikcia agadfilmo de Luc Besson The Fifth Element (1997). En 1998, li revenis al 90210, kie li restis kiel permanenta speciala gastostelulo laŭlonge de la fina sezono de la programo en 2000.[4] En 1999, li stelulis en la filmo Storm.
Perry suferis apopleksion hejme en Sherman Oaks, Los-Anĝeleso, la 27-an de Februaro, 2019. Post dua atako, lia familio decidis forigi lin el vivapogo,[5] kaj li mortis la 4an de Marto, 2019, estante 52-jaraĝa.
Vidu ankaŭ
Notoj
Eksteraj ligiloj
