Ludwig Winder (naskiĝis la 7-an de februaro 1889 en Šafov - mortis la 16-an de junio 1946 en Baldock, Anglio) estis germanlingva moravia verkisto. Li parolis flue ankaŭ la ĉeĥan.
Filo de lernejestro. En 1895 la familio transloĝiĝis al Holešov, studis komercan lernejon en Olomouc, post abiturientiĝo en 1907 li laboris en Vieno kiel maldekstrula ĵurnalisto. En 1908 li foriris al Silezio, poste al Teplice, Plzeň, poste li revenis al Vieno. En la jaroj 1914 - 1938 li estis redaktoro de la praga ĵurnalo Bohemia, kie li publikigis ĉirkaŭ 3 mil artikolojn. Junie 1939 li foriris al Anglio tra Pollando kaj Skandinavio.
Lia verko respegulas la judan problemaron, antisemitismon same kiel judan fanatikismon.
Verkoj
- Jüdische Orgel (Juda orgeno, 1922)
- Hugo. Tragödie eines Knaben (Hugo. Tragedio de knabo, 1924)
- Die nachgeholten Freuden (Aldonaj ĝojoj, 1927)
- Steffi oder Familie Dörre überwindet die Kriese (Steffi aŭ familio Dörre venkas krizon, 1934)
- Tronfolger (Tronheredonto, 1938)
- Die Pflicht (Devo, 1949)
- Der Kammerdiener (Ĉambristo, 1945)
