Lingva kafejo, ankaŭ konata sub la nomo poliglota kafejo [1], estas kunveno por praktiki lingvojn.
Difino
Lingva kafejo okazas en iu publika loko, restoracio, trinkejo. Homoj venas je indikita tago kaj horo kaj sidiĝas ĉe precizaj tabloj: unu tablo - unu lingvo. Homoj povas elekti tablon, kies lingvon ili volas audi, lerni, en kiu ili volas progresi. Nomadumado eblas: personoj restas 20-30 minutojn ĉe unu tablo kaj poste iras al alia tablo. Teorie ĉe ĉiu tablo estas gvidanto, kiu estas denaskulo.
Poliglota kafejo estas kunveno en iu publika loko, restoracio, trinkejo je iu vespero pri iu preciza lingvo. Ĝi okazas en loko, kie la praktikado de lingvoj estas la ĉefa celo. Tiucelen la loko prezentas librojn kaj lernilojn pri la ofertitaj lingvoj. Do la lingvoj aperas laŭ la tagoj de la semajno. La kunsidon gvidas denaskulo. La vorto poligloto venas el la greka lingvo, kie poli signifas pluraj, kaj gloto signifas lingvo.
Lingva kafejo en La Chaux-de-Fonds, Svislando
Kial homoj iras al tiaj renkontiĝoj?
Aŭdi nekonatan lingvon, malkovri la melodion de tiu lingvo.
Refreŝigi siajn konojn pri iu lingvo, kiun oni uzis en sia infanaĝo aŭ kiun oni iom lernis en sia junaĝo en lernejo.
Progresi en sia lernado de iu lingvo ekster kursoj, sen gramatikaj klarigoj, nur uzante la lingvon en ne formala parolado.
Bani en iu lingvo kaj sperti socian interagon.
La publiko en lingva kafejo estas
alvenintoj, enmigrintoj, kiuj devas rapide lerni la lokan lingvon
