Las bicicletas son para el verano (Bicikloj utilas somere) estas hispana filmo de 1984 reĝisorita de Jaime Chávarri kaj bazita sur samnoma teatraĵo de Fernando Fernán Gómez.[1]
Intrigo
Averto: La teksto, kiu sekvas, malkaŝas detalojn pri la intrigo de la rakonto.
Somere 1936 ekas la Hispana Enlanda Milito post la puĉo de julio 1936. En Madrido, la familio formita de don Luis, lia edzino Dolores kaj iliaj gefiloj, Manolita kaj Luisito, kunhavas la malfacilan ĉiutagan vivon kun la servistino kaj la najbaroj. Luisito, spite malbonajn rezultojn en siaj studoj, deziras, ke lia patro aĉetu al li biciklon: aliaj amikoj jam havas tion. Sed la situacio devigas la pastron prokrasti la aĉeton: li argumentas, ke eble post la somero, kredante, ke la milito daŭros nur unu someron (tamen ĝi daŭros tri jarojn). La malespera respondo de Luisito estas: "sed bicikloj utilas somere". Tiukadre la malfacila vivo de la plenkreskuloj dum la milito miksiĝas kun la interesoj de la adoleskuloj: ludoj kaj bicikloj.
Averto: Malkaŝado de la intrigo de la rakonto ĉi tie finiĝas.
Geaktoraro kaj roluloj
Komentoj
- Oni filmis en Madrido mem.
- La filmo ricevis diversajn premiojn.
- La aŭtoro de la teatraĵo Fernando Fernán Gómez plendis, ke la tramoj en la filmo estis bluaj, dum li memoris de la miltepoko, ke ili estis ruĝaj.[2]
Referencoj
