Lanza del Vasto aŭ Giuseppe Giovanni Luigi Enrico Lanza di Trabia (naskiĝis la 29-an de septembro 1901 en San Vito dei Normanni, mortis la 5-an de januaro 1981 en Elche de la Sierra) estis itala filozofo, poeto, artisto kaj aktivisto pri senperforto.
Li estis eŭropa disĉiplo de Mahatmo Gandhi, laboris por dialogo inter religioj laŭ la regulo de estimo al diverseco, spirita socia renoviĝo, estimo kaj ekŝato de la naturo kaj senperforto (ne-uzado de perforto).
Kiel gvidanto de la eŭropa movado por batalo sen perforto li enkondukis en Okcidento la ideon kaj praktikon de la senperforto kiu kongruas kun la pacama idearo rilate al Esperanto, neniam uzata dum militsturmo aŭ ekzekut-komando[1].
Fondo de la "Communauté de l'Arche"
Li fondis la unuan el la 'komunumoj de la arko' en 1948, komencante kun konsiderindaj opozicioj kaj malfacilaĵoj. En 1962 la komunumo ekloĝis en la franca departamento Haut-Languedoc, proksime al Lodève. La komunumo de la arko funkcias kiel laika ordo de viroj kaj virinoj, kiuj praktikas la principojn de neperforto. Post lia morto Pierre Parodi transprenis la gvidadon de la komunumo.
Studoj
- Jacques Madaule, Qui est Lanza del Vasto (eld. Denoël, 1955) (studoj, atestoj, tekstoj)
- Arnaud de Mareuil, Lanza del Vasto (eld. Seghers, 1965)
- René Doumerc, Dialogues avec Lanza del Vasto (eld. Albin Michel)
- Claude-Henri Roquet, Les Facettes de cristal (eld. Le Centurion)
- Arnaud de Mareuil, Lanza del Vasto, sa vie, son œuvre, son message (eld. Dangles)
- Anne Fougère, Claude-Henri Rocquet : Lanza del Vasto : pèlerin, patriarche, poète (eld. Desclée de Brouwer), 2003
Vidu ankaŭ
Senperforto
Senperforta komunikado
Eksteraj ligiloj
(franca) Oficiala retejo
(franca) Communauté de l'Arche
Referencoj
- ↑ René Balleguy, Esperanto Info, nov-dec 2017
