Kvara internacio posadista

Kvara internacio posadista
politika internacio politika ideologio
trockiismo
Komenco	1962 ^vd
Fondinto(j)	J. Posadas ^vd
Retejo	Oficiala retejo

La kvara internacio posadista estas trockiista internacio. Ĝi estis fondita en 1962 de J. Posadas, kiu estis la gvidanto de la Latin-Amerika Buroo de la Kvara Internacio en la 1950-aj jaroj kaj de sekcio de la Kvara Internacio en Argentino. Inter sia skismo disde la Internacia Sekretariato de la Kvara Internacio en 1962 kaj la morto de Posadas en 1981, posadistoj evoluigis specon de komunismo, kiu inkluzivis plurajn marĝenajn ideojn, kiuj konfliktigis la posadistojn kun pli ortodoksaj maldekstraj grupoj.

Posadismo estas verŝajne plej bone memorita hodiaŭ pro sia entuziasmo pri nuklea milito kiel maniero detrui kapitalismon kaj pro sia provo enkonduki elementojn de nifologio en la marksisman pensadon. Argumentante, ke nur komunismo povas permesi la evoluadon de interplaneta vojaĝado, ili konkludis, ke vizitantaj eksterteranoj sendube vivas en tre progresintaj komunismaj socioj kaj devos helpi Tero-bazitajn komunistojn okazigi la tutmondan revolucion.^[1][2][3][4]

Referencoj

1. UFOs, dolphins, nuclear war and communism: the stranger than sci-fi political party (angle) (2017-11-01). Arkivita el la originalo je 2019-02-07. Alirita 2019-08-08 .
2. The A to Z of Marxism (angle).
3. Flying Saucers, the Process of Matter and Energy, Science, the Revolutionary and Working-class Struggle and the Socialist Future of Mankind (angle).
4. Posadists Believe that Socialism Can Only Be Established With the Help of Aliens (angle) (15-a de septembro 2014).

Vidu ankaŭ

Raelismo