La administrejo de la komunumaro centre plenumas iujn oficejajn servojn por la loĝantoj de ĉiuj membraj komunumoj, kiuj parte en komparo kun aliaj partoj de Germanio havas relative malmultajn loĝantojn, tial ke vivteno de administrejo kun ĉiuj servoj en ĉiu unuopa komunumo estus malekonomia.
La komunumaro situas en la valo de la rivero Nahe, kaj havas plurajn vidindajn bizarajn roko-formaciojn, interalie sur la montoj Rheingrafenstein kaj Rotenfels (bildo sube). Plej alta komunumara monto estas la Lemberg, 422 metrojn super la marnivelo.
